Click here for English 

Աշխատանքի նկարագրություն՝ աշխատանքի առաջին մի քանի ամսում, Օգնուշունի թերապեւտիկ շան ուղեկցորդը պետք է մեծացնի, շփման պատրաստի եւ վարժեցնի Օգնուշունի շանը՝ Օգնուշունի լիակատար հսկողությամբ։ Երբ ձագը արդեն պատրաստ լինի, շան ուղեկցորդը  մեր թերապեւտիկ շան հետ պետք է իրականացնի շան աջակցությամբ միջամտություններ՝ վարքային, զարգացման եւ ֆիզիկական խնդիրներ ունեցող անձանց համար։ (Հայտարարության ներքեւում կարող եք գտնել կարեւոր տերմինների բացատրությունը)։

Աշխատանքային ժամերը՝  Ամբողջական դրույք (շաբաթական 40 ժամ)
                                                        Կես դրույք (շաբաթական 20 ժամ)

Աշխատանքի տեւողությունը՝ Նախնական մեկ տարի, երկարաձգման հնարավորությամբ (3 ամիս փորձաշրջան)

Հիմնական պարտականությունները՝
- Խնամել եւ վարժեցնել թերապեւտիկ շներին՝ Օգնուշունի ամբողջական հսկողությամբ
- Շանը կառավարել շան միջամտությամբ իրականացվող սեսիաների ժամանակ

Պահանջները՝
- Անգլերենի եւ հայերենի իմացություն
- Google Drive-ի և սոցիալական ցանցերի իմացություն
- Համակարգչի եւ համացանցի առկայություն՝ տանից աշխատելու ժամանակ

Նախապատվությունը կտրվի նրանց, ովքեր՝ 
- Ովքեր տանը կարող են պահել իրենց գործընկեր շանը
- Ունեն շուն խնամելու եւ վարժեցնելու փորձ
- Հատուկ կարիքներով մարդկանց հետ աշխատելու փորձ 
- Մեքենա 
- Կրթություն, դիպլոմ կամ մասնագիտական լիցենզիա հոգեբանության, թերապիաների կամ հարակից ոլորտներում

Առավելությունները՝
- Նախնական վերապատրաստում չի պահանջվում։ Օգնուշունի կողմից տրամադրված ուսուցումները լինելու են վճարովի աշխատանքային ժամերի ընթացքում
- Օգնուշունից դուրս վերապատրաստումները, սերտիֆիկացումները եւ մասնագիտական անդամակցությունները վճարվելու են Օգնուշունի կողմից 
- Տարեկան 20 օր վճարովի արձակուրդ, չվճարվող ազատ օրերի հնարավորություն, անհրաժեշտության դեպքում
- Աջակցող և աճին միտված աշխատանքային միջավայր
- Շան կարիքները ամբողջովին վճարվում են Օգնուշունի կողմից 
- Աշխատանքը գրանցվելու է ՀՀ-ում՝ հարկերի վճարումով

​Ինչպե՞ս դիմել՝
Ուղարկել աշխատանքային կենսագրությունը եւ ուղեկից նամակը oknooshoon@gmail.com էլ/հասցեին

ՏԵՐՄԻՆՆԵՐԻ ԲԱՑԱՏՐՈՒԹՅՈՒՆ

Շան աջակցությամբ միջամտություններ՝ երբ թերապեւտիկ շունը եւ ուղեկցորդը այցելում են մարդկանց կամ խմբերի նրանց կյանքի որակը բարձրացնելու համար։ Եթե ուղեկցորդը հոգեբան է կամ եթե աշխատում է հոգեբանի հետ ապա միջամտություն բառը փոխարինվում է թերապիա բառով, դառնալով ՝ շան միջամտությամբ թերապիաներ։

Թերապիայի շուն՝ շուն որը վարժեցվել է եւ սերտիֆիկացվել շան ուղեկցությամբ միջամտություններ իրականացնելու համար շան ուղեկցորդի հետ միասին։ Շունը պետք է պատշաճ կերպով շփման փորձ ունենա, ստանա գործնական դասեր եւ ամուր կապ ունենա շան ուղեկցորդի հետ։ 

Թերապիայի շան ուղեկցորդ՝ մարդ, ով վերապատրաստվել եւ լիցենզավորվել է թերապիայի շան հետ աշխատելու համար։ Նրանք պետք է դիդակտիկ կրթություն անցնեն շների վարժեցման, շների վարքագծի և մարդկային խմբերի վերաբերյալ, որոնց հետ նրանք կաշխատեն, ինչպես նաև գործնական պարապմունքներ անցկացնեն իրենց շան հետ: Շան ուղեկցորդը պետք է ամուր հարաբերություններ ունենա իր շան հետ և կարողանան պաշտպանել նրան այն միջավայրում, որտեղ նրանք կաշխատեն:

Վարժեցում՝  սովորեցնել շանը հատուկ վարքագիծ, որը անհրաժեշտ է սեսիաների ժամանակ